الرواني بطريقة الشيف حسن

المقادير:

5 بيض كامل
100 جرام سكر
100 جم دقيق
100 جرام دقيق البسبوسة (السميد)
100 جم جوز هند
ربع باكو بيكنج بودر
2ونص جم فانيليا
300جم شربات سخن
الطريقة:

نضرب البيض والسكر بالمضرب جيدا ثم الفانيليا
نضع(الدقيق والبسبوسة والبيكنج بودر) مع بعض ثم نضعهم على البيض والسكر
ونقلبهم من تحت لفوق بالراحة علشان متهبطش
ثم نضعهم فى صينية مدهونة سمن وسميد بسبوسة
ثم نضعهم فى فرن على 160 لمدة نصف ساعة
وطلعيها واسقيها الشربات سخن وهى سخنة ثم اقلبيها وذوقبها بالكريمة
----------------------------------------------
طريقة اخرى
المقاديــــــــــر

5 بيضات
3/4 كوب دقيق أبيض
3/4 كوب دقيق سيمولينا(سميد
3/4 كوب سكر
1/2 ملعقة صغيرة فانيليا
بس عايزة أقول لكم ملحوظة هامة
الرواني مابيتحطلهاش بيكنج بودرنشوف بقا الطريقة
الطريقة

في وعاء نضيف وجاف اخلطي البيض مع السكر والفانيليا واضربيهم بالمضرب أو العجان اللي عندك
على السرعة الهادية
لحد مايكون معاكي كريمة
بعد كده اخلطي الدقيق مع السيمولينا
ضيفي الدقيق والسيمولينا للبيض واضربيهم مع بعض بالراحة بملعقة خشبية
لفتين تلاتة لحد مايلف كله مع بعضه
أو اديله لفة في العجان على السرعة الهادية لحد مايدوب
بس ماتقلبيهوش كتير
بعد كده هاتي الصينية اللي هتصبي فيها الخليط
ادهنيها زبدة
ودقيق سيمولينا (سميد ناعم)
مش دقيق أبيض
بعد كده صبي الخليط في الصينية
سيبيها في الفرن لمدة 25 دقيقة
على ماتستوي في الفرن نجهز احنا الشربات والذواق

الشربات (المعروف بالقطر)
2 كوب سكر
2 كوب ماء
دوبي السكر في الميه
حطيه على النار
سيبيه يغلي بعد كده ضيفي له عصير نصف ليمونة
ورشة فانيليا
سيبيه يغلي شوية
بعد كده اطفي عليه
وخللى بالك الشربات بيتحط سخن على الرواني وهي سخنة
جهزي الشربات وجوز الهند ومربى المشمش للذواق
بعد كده لما الرواني استوت طلعتها من الفرن
بعد كده سقيتها بالشربات السخن
بعد كده ذوقيها بالطريقة اللي تعجبك أهم حاجة في الرواني الشربات وجوز الهند
ذوقتها بالمربى ( مربى المشمش هايلة وطعمها بيكون جميل جدااااااا )
بعد كده رشيي جوز الهند