تكة سمك

كان عندي شوي سمك فيليه وحبيت اسوي فيه حركه... الهامور غالبا يكون سميك قطعته صغار عشان يستوي اسرع وحطيت فلفل ملون على الاجناب ( اخذتلي جم حبه من السلطه... تقدرون تضيفون بصل مع فلفل اخضر بالتناوب بس ما كان لي خلق )... هالتتبيله كنت استخدمها بالربيان بس زدتها بابريكا و كمون

المقادير :

م ك كزبره ناعمه
1 م ك بهار ماجيك مال الفاهيتا او اي نوع بهار سمك متوفر
2 م ك بصل مفروم ناعم حيل
1/4 كوب زيت كانولا وتقدرون تستخدمون زيت زيتون
1/4 كوب عصير ليمون
1 م ص ثوم بودر
1 م ك ريحان مجفف او أي اعشاب مجففه تحبونها مع السمك
  2/1 م ك اوريجانو مجفف
4/1 م ص فلفل احمر حار
4/1 م ص فلفل اسود
1 م ص بابريكا

رشه كركم بس عشان اللون 2 م ص كمون

1/2 م ص زنجبيل 1 م ك ملح او حسب الذوق

فلفل ملون مكعبات

بصل اخضر مفروم

عصره عصير ليمون للرز

الطريقه:

نخفف سمك السمك ونقصصها مكعبات صغار ... نتبلها بالزنجبيل ونتركها شوي عشان تشيل الزفر

نخلط البهارات مع الملح وعصير الليمون والبصل المفروم والاعشاب المجففه والزيت ونتبل فيهم السمك  ونخليه فتره وبعدين نشكه باعواد الخشب ونحط بالاطراف فلفل ملون ونشويه على حراره متوسطه لين يستوي

 وقبل التقديم نرش عليها شوي عصير ليمون وبصل اخضر ويقدم مع ارز الصيادية