المقادير:
كيلو فراوله
كوب سكر
قشر ربع ليمونه
ملعقة كبيره عصير ليمون
الطريقة:
نغسل الفراوله ونشيل العنق الاخضر
نضيف الشكر فوق الفراوله ونخلطها جيدا ونتركها 5 دقايق
بتشوفون ان الفراوله نزلت كميه عصير تاكدو ان السكر كله ذاب بالعصير وضيفو قشر الليمون وهرسوها بالشوكه او باداه الماش بوتاتو وهنا بحسب رغبتكم بسمك المربى اذا تحبونها ناعمه او محببه انا خليت الفراوله كامله وفرمت جزء منها
نحطها على نار قويه بطنجرة او مقلى ستينلستيل ونتركها الى ان تبتقبق على النار ونشيل الرغوة اللي بيطلع عليها ونخفف النار نخليها حراره متوسطه
نضيف عصير الليمون ونخليها الى ان تصل الى السمك اللي تحبونه ( انا خذت مني تقريبا 10 دقايق )
نتركها الى ان تبرد ونحطها ببرطمانات معقمه .
ملاحظه : البرطمانات تعقمونهم بماي مغلي وتاكدون انها ناشفه تماما قبل أن تضعوا المربى لان اي نقطه ماي ممكن تخمر المربى واذا تحبون تقدرون تثلجون المربى بالفريزر وبعدين تطلعونها وتستخدمونها في صلصات الحلويات او تذوبونها مع شوي ماي وتحشون فيها الدونت او تحطونها فوق الايسكريم :>
ليست هناك تعليقات:
إرسال تعليق