اللحم المستخدم هو نفسه البفتيك .. كانت حاطه دهنه او ليه على وجه الشاورما بس انا ما حبيت هالاضافه واستبدلته بزيت الزيتون حسب الرغبة
انا بذكر مقداري اللي هو هالصحن اللي تشوفونه قبالكم + صحن صغيرون
صلصه الطحينه سووها حسب اللي تحبونه انا خلطت روب وطحينية وعصير ليمون وملح وماي على النظر بس سويتها خفيفه عشان تتغلغل باللحم
المقادير:
ربع كيلو لي 300 غ لحم بفتيك مقطع شرايح
نص ملعقة كبيره ملح
ملعقة كبيره بهار الشاورما
ملعقة كبيره خل
ملعقتين كبار زيت زيتون
رشه مسمار ناعم
رشه فلفل اسود
بصله مقطعه مكعبات
نص حبة بندورة شرايح
ربع فلفل اخضر شرايح
صلصه طحينه
الطريقة:
نخلط اللحم مع الملح والبهار والفلفل الاسود والمسمار والبصل والخل والزيت ونفركهم بيدنا عشان نتاكد انهم تمازجو ونخليهم يتبلون فتره ( انا خليتهم ساعه تقريبا )
يا اما ندخله الفرن ثلث ساعه لين يتحمر الوجه ونحمسه الى ان ينشف ماء الصلصه مع البندورة والفلفل
او على طول نحطه بالمقلاه مع الخضار ونخليهم الى ان ينشف الماء ويستوي اللحم
وعند التقديم نحط صلصه الطحينه بالوجه وتقدرون ترشونها ببقدونس مفروم
ليست هناك تعليقات:
إرسال تعليق