لحم بالفرن من اسهل ما يكون

المقادير
لحم غنم يفضل ----> كتف يقطع قطع متوسطة
مجموعة من الاعشاب العطرية مثل الروزماري او الريحان وانا استخدمت البقدونس والريحان مقدار ملعقة طعام
فصين ثوم وبصلة------> مقطعين شرائح
عصيرليمونة واحدة و نصف كوب زيت زيتون
والاهم في سر الطبخة هو خل البلساميك ------->وهو عبارة عن خل اسود يحتوي على قليل من السكر ومتوفر على شكل صلصة ايضا-------> نحتاج مقدار نصف كوب
خلاصة خضار وقليل من الهيل الناعم
تخلط المقادير ويقلب اللحم ويوضع في طبق الفرن ويغطى بالقصدير باحكام
يترك في الفرن لمدة ساعة
ثم نصف ساعة من غير القصدير
والمهم من هذا كله ان هذا الطبق يؤكل ساخن
ويقدم مع الخضار
أرز او معكرونيا
بالصورة انا مستخدمة الخضار السوتيه مع الريفيولي
والصلصة المتبقية من طبق اللحم

خدود البنات

المقادير
4 اكياس جيلاتين
كوبين سكر
نصف ملعقة صغيرة فانيلا بودر
ملعقة صغيرة من ملون الاكل

الطريقة
المقدار لعمل طبقتين من خدود البنات كل طبقة لون
الطبقة الاولى
كوب ماء دافئ مع كيسين جيلاتين يصفى ثم
يضاف على خليط السكر مع الفانيلا
ويخلط بالخلاط الكهربائي 8 الى 10 دقائق حتى يتماسك كالكريمة ويصب بالبايركس ويوضع في الثلاجة لمدة نصف ساعى الى ساعة الا ربع

الطبقة الثانية
نفس الاولى مع وضع لون من الاوان
ويصب على الطبقة الاولى

تستخدم سكين دافئه للتقطيع ويغطى بجوز الهند او سكر بودر او طحين عادي

ويقدم على حسب الرغبة

فخد او كتف غنم مشوي

انا استخدمت بهالوصفه كتف لا تشيلون كل الشحم خلو منه لانه اهو اللي رح يطري اللحمه وما يخيلها عرده

المقادير:

بصل مبشور

ثوم مقصص

هيل ناعم

فلفل اسود

بهار

دارسين

عصير ليمون

خل

ملح

مشروم طازج  ومعلب

بطاطا

الطريقه:

نسوي شقوق بالسجين بظهر اللحم ونغرس الثوم فيها

نخلط البصل مع الدارسين والهيل والبهار والفلفل الاسود والملح والليمون والخل ونتبل فيها اللحم عدل ... ونخليها لي ثاني يوم

نحطها بصينيه الفرن ونخلي المشروم والبطاط تحت اللحم وندخله فرن حار

بعد ساعه تقريبا نقلل من درجه الحراره ونرد نصب السوائل المتكونه بقاع صينيه الفرن فوق اللحم كل 20 دقيقه عشان تطرى عدل

بعد ما ينضج اللحم ننطر فتره 10 دقايق لي ربع ساعه وبعدين نقدمه

 

الربيان المشوي

المقادير :
انا ماذكر الكميه عدل بس كانت راهيه... اتوقع بحدود 2-3 كيلو

2 م ك كزبره ناعمه
2 م ك بهار ارجنتيني من ماركه عبيدو او بهار ماجيك مال الفاهيتا المتوفر استخدموه
3 م ك بصل مبشور
3 م ك بقدونس مفروم
2/1 كوب زيت زيتون

2/1 كوب عصير ليمون
2 م ص ثوم بودر
2 م ك ريحان مجفف او أي اعشاب مجففه تحبونها مع الربيان
1 2/1 – 2 م ك اوريجانو مجفف او اخضر
4/1 م ص فلفل احمر حار
4/1 م ص فلفل اسود
2/1 -4/3 م ص بابريكا
2 م ص كمون
1- 1 2/1 م ك ملح او حسب الذوق

الطريقه :

اخذو مقادير التتبيله خلطوها مع بعض عدل ونقعو فيها الربيان المنظف والمغسول انا اقصه من صوب الظهر وواشيل الخيط الاسود واحتفظ بالقشره عشان لا تصغر وايد اثناء الشوي
تبلو الربيان فيها ساعه تقريبا او اقل
طبعا يفضل يكون عندكم صحن الفاهيتا عشان لا يبرد الربيان عند التقديم وهم يطلع شكل وايد حلو
تقدرون تقدمونه مع سوتيه فلفل وبصل يطلع يهبللل وتنثرون عليه بقدونس مفروم وعند التقديم عصرو شوي ليمون يطلع لكم صوت تشششششششششش يونس

فري مشوي

ابوي طلب مني شي خفيف للغدا... عاد كان عندي فري وعاده انا اسويه بطريقه عبير الراشد بس اقلل البهار والغي عصير البصل من الوصفه.. قدموه مع سلطه وخبز خفيف

المقادير:

6 حبات فري

نص ملعقة صغيره ملح

نص ملعقة صغيره ملح الليمون

ربع ملعقةصغيره بهار

ربع ملعقة صغيره بهار حلو

ثمن ملعقة صغيره كاري

ثمن ملعقة صغيره فلفل اسود

ربع ملعقة صغيره بابريكا

نص ملعقة صغيره ثوم مهروس

نص علبه روب

ملعقتين كبار معجون طمام

ملعقتين زيت زيتون

2-3 ملاعق خل

الطريقه:

نغسل الفري ونبطله صوب الصدر ونضغط عليه براحه اليد عشان يتبطل عدل نرش عليه طحين ونرد نغسله

نخلط مقادير التتبيله مع بعض ونتبل فيها الفري ونخليه ساعتين

نصفهم بصينيه الفرن ونشويهم واذا استوو ناخذ فنجان قهوه مغلف بالقصدير ونصب فيه زيت شوي زيت شوي ونحطه بوسط الصينيه ونشب فحمه وتحطها بالفنجان ونسكره علىهم عشان ياخذون ريحه الفحم

خطوة بخطوة من الحليب الى اللبنة

 
بسم الله نبتدي...

المقادير:

2 كوب حليب بودر
3-4 اكواب ماي دافي ( انا استخدم 2 بارد و2 حار )
علبه روب
الطريقة:
نذوب الحليب بالماي وعدل وبعدين نضيف له الروب ونخلطه عدل وبعدين نصبه بطاسه وحده او طاسات فرديه ونخليه بمكان دافي 12 ساعه الى يوم كامل وبعدين تخلونه بالثلاجه يوم كامل قبل الاستخدام وبهالطريقه سوينا الروب وخلصت الخطوه الاولى والحين دور اللبنه... ورح نحتاج اما غتره او شاش او خام كتان او مريكن عشان الروب ينزل السوائل وتكون عندنا لبنهانا اخلط شوي ملح مع الروب عشان لا تكون اللبنه ماصخه
وبعدين اخذ طاسه واحط فوقها مشخل ناعم..وفوقها غتره نظيفه مخصصه حق اللبنه واصب الروب فيها واضغطها واغطيها بواكس بيبر والغتره واخليها بالثلاجه بالقسم السفلي من يومين لي 3 ايام لين تجمد

اكورها بيدي واغمرها بزيت الزيتون واخليها يوم عشان تاخذ من نكهه زيت الزيتون واقدمها مع الريوق او مع السلطات وبالف عافيه... بتلاحظون ان الكور مو ناعمه اذا تبونها ناعمه مسحو ايدكم بالزيت قبل التشكيل انا الغي هالحركه

كفتة البطاطا

الطريقه

بطاطتين كبيره مسلوقين بالماء وحطيت كوب واحد رز (الكوب= كاس الجبن) وسلقته بس لا يصير لين وبعدها حطيت البطاط والرز في صحن لما يبردون وطبعا صفيتهم من الماء قبلها وفرمتهم بالفرامه مره وحده بدرجة الوسط وحطيت الملح واشوي كركم عشان تاخذ لون بس وبديت اشكلها نجهز الحشوه .... لحم مفروم محموس مع بصل وصنوبر وملح ودارسين وفلفل اسود وبهار وما شاء الله كانت العجينه مضبوطه وكانت تحتاج القليل من الماء المثلج بس عشان اشكل فيها