فراخ مشويه مع سويت اند ساور صوص

المقادير والطريقة
- تبلوا صدور الفراخ بعد غسلها طبعاا كويس بالآتى:
- صويا صوص (2-3 ملعقه كبيره )
- 3 م زبادى زبادي او لبن رايب
- زيت
- 1 ملعقه كبيره بودره توم - او توم مفروم
- 2 ملعقه كبيره زعتر مطحون
- ا ملعقه كبيره بابريكا
- شويه خل
- عصير 2 ليمونه
- ملح + فلفل
اتركوها فى التتبيله ساعتين ثلاته فى التلاجه بعدين خرجوها وانشلوها من التتبيله واشوها على الشوايه ، واثناء الشوى امسحوا عليها ببواقى خلطه التتبيله
- قدموها مع السويت اند صور صوص ( صلصه الحلو والحامض )
1/2 كوب صويا الصوص
1 م.ص زيت السمسم
1 م.ص زنجبيل مبروش
1 م.ك كزبرة خضراء مفرومة
2 م.ك ماء بارد
1م.ص ثوم مطحون
تخلط جميع المقادير السابقه على النار الى ان تتكثف

الدجاج بالثوم والليمون

المكونات:
1 دجاجة كاملة 5 ملعقة كبيرة عصير ليمون1/2 كوب زيت زيتون2 فصوص ثوم1 عبوة زبادي1 ملعقة كبيرة خلطة توابل للفراخ2 ملعقة صغيرة زعتر جاف ومطحونملح و فلفل
طريقة التحضير:
- تغسل الدجاجة وتنظف وتقطع الى 4 أرباع . - يخلط الزبادى مع الثوم وعصير الليمون والزيت وخلطة التوابل والملح والفلفل . - تدهن قطع الدجاج بخلطة الزبادى وتوضع فى صينية للفرن. يسكب باقى خلطة الزبادى على الدجاج فى الصينية . تغطى الصينية بورق ألومنيوم- يسخن الفرن الى درجة حرارة متوسطة (190-180 مئويه). توضع الصينية فى الفرن. -
بعد حوالى 40 دقيقة يرفع الغطاء ويقلب الدجاج وينثر الزعتر على السطح ويعاد للفرن لمدة 20 دقيقة أو حتى ينضج الدجاج ويحمر السطح . تقدم فورا

طريقة عمل الزبادى فى المنزل

يلا بينا نحضر نفسنا يمكن يكون النهارده السحور والزبادى من اساسيات وجبة السحور فى رمضان عشان كده حبيت ابداء بيه معاكم
1 كيلو حليب طازج كوب زبادى اذا اردتى عمل زبادى منزوع الدسم قومى بوضع الحليب فى اناء داخل الثلاجة وفى اليوم التالى انزعى طبقة القشدة الموجودة على الحليب ويمكنك استعمالها فى الاكل مع المربى والعسل او عمل المعمر او تخزينها وتجميعها لعمل السمن البلدى والمرتة
اغلى الحليب واتركية الى ان يصبح فاتر قلبى كوب الزبادى الجاهز حتى يصير لين اضيفية الى الحليب الفاتر وقلبية جيدا قومى بتعبئة فى اكواب زجاجية ضعية فى اناء صنية مثلا واحكمى الغطاء علية وضعية فى مكان مغلق كفرن البوتاجاز حتى يتجمد ويعطيكى قوام الزبادى ثم ضعية فى الرف العلوى فى الثلاجة استعملية واتركى كوب منة لعمل زبادى مرة اخرى
ويمكنك كذالك غلى الحليب ووضعة فى الثلاجة لليوم الثانى وبذلك يمكنك نزع كمية اكبر من القشدة وعند عمل الزبادى فقط قومى بتدفئة اللبن على النار واصنعى الزبادى
اذا اردتى عمل زبادى كامل الدسم اغلى الحليب واتركية حتى يصبح فاتر واصنعى الزبادى وهذا الزبادى اجمل واوفر كثير من الذى تقومى بشرائة

البسكوت المالح الهش

المقادير:
200 جم زبده صفرا طريه حوالى كوب
2 صفار مضاف له عصير نص ليمونه صغيره
نص ملعقه صغيره ملح
نص كوب جبنه فيتا او جبنه بيضا ملح خفيف
نص كوب جبنه شيدر او رومى مبشوره
ملعقه ونص صغيره باكينج بودر
2 ونص كوب دقيق وممكن يزيدوا على حسب نوع الدقيق
الطريقه:
الصفار + الليمون +الزبده +الملح + الجبنه ونخلط كويس بمضرب البيض نضيف الدقيق + الباكينج بودر ونخلط كويس لغايه ما يدينا عجينه متماسكه لو حسيتى ان العجينه سايحه اوى زودى شويه صغيره دقيق نريح العجينه ربع ساعه وبعدين نفردها بسمك ربع سم تقريبا ونقطع مربعات او نشكل بالقطاعه على حسب الرغبه نخرم البسكوت بالشوكه ونرص فى الصينيه ويخبز فى فرن مسخن مسبقا على درجه حراره 180 لمدة 20 دقيقه او حتى يصل للون الذهبى
ملحوظه بالنسبه للجبنه الشيدر الشيدر المصرى ما بتدوبش فى الفرن وبتتحجر فلو هتستعملى شيدر اشترى المستورد بتتباع بالكيلو زى الرومى وسعرها مش غالى لو هتستعملى رومى حاولى تكون جبنه جديده مش قديمه بتدى نتايج احسن
الطريقه انا واخداها من الاخت زينب وجربتها اكتر من مره وبصراحه طعمه تحفه وما بياخدش وقت فى العمايل

شيش طاووق الدجاج

المقادير
2 كيلو صدور دجاج مقطعة منعبات كبيرة
1/4 كوب زبادي
عصير ثلاث بصلات، نضربهم في الخلاط ناعم جداً ونصفي كل العصير منهم
6 فصوص ثوم مفروم
معلقتين كبار معجون طماطم
عصير لمونة
1/4 كوب زيت نباتي أو زيت زيتون
معلقتين صغار توابل فراخ
1/2 معلقة قرفة
1/2 معلقة كبيرة زعتر بري أوريجانو
معلقة ضغيرة بودرة فلفل أحمر
ملح وفلفل أسود
الطريقة
نخلط كل المكونات وننقع فيها الدجاج ليلة كاملة، نرص مكعبات الدجاج في أسياخ ومعاها أي خضروات نحبها ونشوي على الشوايه، ندهن الفراخ بالخلطة اللي عملناها وإحنى بنشوي ونقدمها زيي كده مع ثومية

كفتة الدجاج

المقادير :
نصف كيلو دجاج مفروم
1 بصلة متوسطة مبشورة
1 بطاطس مسلوقة
ا بيضة للعجن
1 بيضة للتغطية
ملح و فلفل و كارى و ملعقة مسطردة
بقسماط للتغطية
الطريقة
نخلط المكونات مع بعض و نغطيها بالبيض و البقسماط و نسيبها فى الفريزر شوية نص ساعة مثلا
و بعدين نقليها فى زيت غزير

البورجر البيتى

المقادير
نصف كيلو لحم مفروم وبه دهن
كوب ونصف فول الصويا
بصله صغيره
ملح \ فلفل \ بهارات لحمه \ نص ملعقه قرفه
2 فص ثوم
الطريقه
الاول يتم نقع فول الصويا لمدة ساعه وبعد ذلك يصفى من الماء نحط كل حاجه على بعضها ونضربها فى الكبه كويس اوى بربع كوب ماء او اقل لحد لما يكون عجين ملساء
يتم فردها بين كيسين مدهون زيت عشان متلزقش ونفردها بالنشابه سمك 1/2 سم ونقطعها بالقطاعه دوائر ونحطها فى اطباق فى الفريزر