المقادير:
2كوب دقيق
ملعقة ونص صغيرة خميرة
2 ملعقة صغيرة سكر
2ملعقة صغيرة ملح
نص كوب ماء
2 ملعقة كبيرة سمنه أو زيت
الطريقة:
تدوبي السكر مع الخميرة في نص كوب ماء وتسيبيها تخمر شوية وبعدين لما تخمر حطيها عالدقيق والملح واخلطيهم وبعدين حطو السمنه أو الزيت واعجنو لمدة ربع ساعة بعد كده غطيها كويس وسيبيها في مكان دافي لمدة نص ساعة بعد ماتعدي النص ساعة ديرشوي الرخامة بدقيق وافردي عليها العجينة بس تبقا رقيقة أوي بس مش تخليها من النص رفيعة ومن عالجناب تخينة لا افرديها كويس وكلو يبقا سمك واحد يعني بعد كده هاتي الصاج بتاع الفرن وحطي فيه ورق سلفر (قصدير) وحطي عليه العجينة وخرميها بالشوكة ودخليها الفرن في الرف اللي في النص لحد ما الجزء اللي تحت من التميس يحمر
بعد كده اطفي الفرن ونزلي الصاج في الرف الأخير و ولعي الشوايه من فوق عشان الوش بتاعو يحمر هوا كمان
بس انا قبل مانزلو للرف الأخير دهنتو ب بيضة لو مش عايزين مش مشكله يعني.
ليست هناك تعليقات:
إرسال تعليق