الاثنين، 28 فبراير 2011

الدحدح حلوى اردنية ولا اطيب


 بالمقادير

كاستين سميد
كاستين طحين
كاستين سكر
كاستين زيت ذرة
ملعقة صغيرة كركم او دقة صفراء
ملعقة سمنة بلدية
3 بكيتات بيكنج باودر
3 فانيلا
ملعقتين خميرة
ومي

وللحشوة بدنا شوية جوز هند وقرفة وسكر

اما الطريقة
اول شي بنحط السميد والطحين والسكر والبيكنج باودر والفانيلا والخميرة مع بعضهم في وعاء كبير
وبعدين بنسخّن زيت الذرة مع السمنة البلدية وبنحط عيهم ملعقة الكركم وبنسخنهم كلهم مع بعض وبعدين بنديرهم فوق الطحين و السميد وبنبسبسهم يعني بنفركهم مع بعض حتي يوصل الزيت لكل المكونات ويصيرو كلهم صفر
وبعدين بنسخن شوية ماء وبنخلطه معهم (بتصير العجينة زي عجينة الكيك) طرية يعني
بنجيب الصينية الي بدنا نحطه بيها وبندهنا زيت ذرة
بنحط نص العجينة فيها بعدين بنجي للحشوة
بنخلط بصحن كاسة زغيرة جوز هند و3 ملاعق قرفة ومعلقتين سكر بنخلطهم وبنحطهم فوق الجينة بالصينية
اهم شي ما توصل الحشوة عند اطراف الصينية بلاش ينحرقو
وبعدين بنرجع لبقية العجينة اللي ضلت عندنا وبحط عليها كمان شوية مي لانها بتكون جمدت
وبنحطها بالصينية فوق الحشوة
بنغطي الصينية ساعة الا ربع حتى تتخمر
بعدين بنخبز الصينية بفرن درجة حرارته هابطة لحتى نشوف الاطراف بدت تحمر بعدين بنحطها بالرف التحت للفرن بس دقيقة وحدة وبيحمر الوجه
منخليها تبرد شوي قبل ما نقطعها بلاش تتفتفت
بنزين الصينية بسكر ناعم وبنقطعها بعد ما تبرد
(اهم شي يكون الفرن هابط لانو السميد بسرعة بنحرق)
وصحتين وعافية

++++++++++++++++++++++

طريقة أخرى
المقادير
2 كوب دقيق
2 كوب سميد ناعم
2 كوب سكر
نصف كوب زيت ذرة
نصف كوب سمنة او زبدة
2 معلقة طعام خميرة فورية
1 كوب حليب
معلقة صغيرة كركم (عصفر)
الحشوة
1 كوب جوز هند
1 كوب سكر
2 معلقة كبيرة قرفة ناعمة
1 فنجان قهوة ماء
نحضر الحشو باضافة القرفة وجوز الهند ونعجنهم بشوية مية
نجى للعجينة
ينخل الدقيق ويضاف السميد والسكر والكركم والزيت والسمنة ويفرك جيدا
تضاف الخميرة الى كوب الحليب الدافئ وتعجن جيدا ويغطى الطبق ويترك لمدة نصف ساعة
ناخذ مقدار من العجينة ونفردة فى الصينية ونضع الحشو ونضع باقى العجينة ويخبز فى فرن درجة حرارة متوسطة لمدة نصف ساعة

ليست هناك تعليقات:

إرسال تعليق